برٹش کونسل نے پاکستان میں اے اور او لیول کیمبرج امتحانات پیر سے بحال کرنے کا اعلان کر دیا۔
کیمبرج اسسمنٹ انٹرنیشنل ایجوکیشن کی جانب سے جاری اعلامیہ کے مطابق پیر 15 مئی سے پرچے طے شدہ شیڈول کے مطابق ہوں گے۔
- Advertisement -
کنٹری ہیڈ اعظمی یوسف کا کہنا ہے کہ منسوخ ہونے والوں پرچوں کے نتائج سے اسکولوں کو آگاہ کردیا جائے گا امیدواروں کا تحفظ برٹش کونسل کی اولین ترجیح ہے۔
پاکستان کی موجودہ صورتحال کے باعث 11مئی سے ہونے والے کیمبرج کے امتحانات منسوخ کیے گئے تھے۔ برٹش کونسل کی جانب سے جاری اعلامیے میں کہا گیا تھا کہ کیمبرج سسٹم کے تحت آج ہونے والے او لیول اور اے لیول کے امتحانات نہیں لیے جائیں گے۔
