واشنگٹن: امریکی وزیر خزانہ نے کہا ہے کہ ہم پاکستان کے لیے آئی ایم ایف پروگرام کی حمایت کرتے ہیں۔
تفصیلات کے مطابق امریکا پاکستان کے لیے آئی ایم ایف پروگرام کا حامی دکھائی دیتا ہے، امریکی وزیر خزانہ جینٹ یلن نے ایوان نمائندگان کی کمیٹی میں اس کا اعتراف بھی کیا۔
جینٹ یلن نے کہا ہم پاکستان کے لیے آئی ایم ایف پروگرام کی حمایت کرتے ہیں، سیلاب کی تباہی اور مالیاتی مسائل سے نمٹنے کے لیے پروگرام موجود ہے۔
رکن کانگریس ایل گرین نے پاکستان کی فوری امداد کے لیے ایوان نمائندگان کی کمیٹی میں درخواست کی، انھوں نے کہا پاکستان کو آئی ایم ایف اور ورلڈ بینک سے امداد کی اشد ضرورت ہے۔
ٹرمپ رہا ہو گئے
رکن کانگریس ایل گرین نے سیلاب کے نتیجے میں پاکستان میں آنے والی تباہی سے بھی ایوان کو آگاہ کیا، ان کا کہنا تھا کہ پاکستان موسمیاتی تبدیلی کا شکار ہوا ہے، پاکستانی نژاد ڈیموکریٹ رہنما طاہر جاوید نے رکن کانگریس ایل گرین کی پاک امریکا تعلقات کے لیے کردار کو سراہا۔