کراچی: رینجرز اور پولیس کی خفیہ اطلاع پر کورنگی میں مشترکہ کارروائی کے دوران پیٹرول پمپ لوٹنے والے ڈکیت گینگ کو گرفتار کرلیا گیا۔
ترجمان رینجرز کے مطابق ڈکیتی اور اسٹریٹ کرائم کی متعدد وارداتوں میں ملوث 3 ملزمان کو گرفتار کیا گیا ہے گرفتار ملزمان میں سرغنہ دلشاد علی، یعقوب عرف لاہوری اور علی حسن شامل ہیں، ملزمان کے قبضے سے اسلحہ اور موٹرسائیکل برآمد ہوئی ہے۔
ترجمان کا بتانا ہے کہ ملزم نے اعتراف کیا کہ 16 جون کو بلال چورنگی کے قریب پیٹرول پمپ کیشئر کو لوٹا تھا، ملزمان 17 لاکھ روپے کیش لوٹ کر فرار ہوئے تھے۔
- Advertisement -
ترجمان رینجرز کا کہنا ہے کہ ملزمان نے کراچی کے مختلف علاقوں میں متعدد وارداتوں کا بھی اعتراف کیا ہے، دیگر ساتھیوں کی گرفتاری کے لیے چھاپے مارے جا رہے ہیں، گرفتار ملزمان کو قانونی کاروائی کے لیے پولیس کے حوالے کر دیا گیا۔
