اسلام آباد : امریکی سفیر ڈونلڈ بلوم کا کہنا ہے کہ پاک امریکا دوطرفہ تجارت اور سرمایہ کاری کوفروغ دینے کے لیے پرعزم ہیں۔
تفصیلات کے مطابق اسلام آباد کے قونصل خانے میں امریکی یوم آزادی کی تقریب سے خطاب میں امریکی سفیر ڈونلڈ بلوم نے کہا کہ مضبوط دوطرفہ تعلقات کیلئے باہمی سبز اتحاد کو مزید مستحکم کرنےکی ضرورت ہے۔
ان کا کہنا تھا امریکہ پاکستان کا سب سے بڑا دوطرفہ تجارتی شراکت دار ہے، گزشتہ سال پاکستان میں امریکی سرمایہ کاری میں پچاس فیصد سے زائد اضافہ ہوا۔
امریکی سفیر نے اوورسیز انویسٹرز چیمبر آف کامرس اینڈ انڈسٹری، امریکن بزنس کونسل اور دیگر صنعتی رہنماؤں سے بھی ملاقاتیں کیں جبکہ ڈونلڈ بلوم جوائنٹ میری ٹائم انفارمیشن کمانڈ سینٹر میں پاکستان نیول اکیڈمی میں شروع ہونے والی مشق کا مشاہدہ بھی کیا۔
امریکی سفیر ڈونلڈ بلوم نے باہمی تعلقات، تجارت، سرمایہ کاری اور موسمیاتی تبدیلی کے حوالے سے سبز اتحاد کے فروغ کیلئے کراچی کا دورہ کیا۔۔