اسلام آباد: وفاقی وزیر احسن اقبال کا کہنا ہے کہ اگر سب اتفاق کریں تو اسحاق ڈار نگراں وزیراعظم بن سکتے ہیں۔
تفصیلات کے مطابق وفاقی وزیر احسن اقبال نے اے آر وائی نیوز کے پروگرام ‘سوال یہ ہے’ میں گفتگو کرتے ہوئے کہا کہ دبئی میں سیاسی قیادت کی ملاقاتیں کوئی غیرمعمولی بات نہیں، حکومت کےآخری ہفتےمیں نگراں سیٹ اپ پراتفاق ہوجائےگا.
احسن اقبال کا کہنا تھا کہ اسحاق ڈارپراتفاق ہوجائےتووہ نگراں وزیراعظم بن سکتےہیں، سب اتفاق کریں تواسحاق ڈارکونگراں وزیراعظم بنایاجاسکتاہے
وفاقی وزیر نے مزید کہا کہ نگراں سیٹ اپ میں جس کابھی انتخاب ہوگا اتفاق رائے سے ہوگا۔
خیال رہے مسلم لیگ ن اسحاق ڈار کو اہم منصب سونپنے کیلئے سرگرم ہے اور پیپلزپارٹی کو راضی کرنے کے لیے کوششیں تیز کردیں۔۔
پیپلزپارٹی نے اسحاق ڈار کے نام پر اتفاق کی تردید کی جبکہ جے یو آئی ف نے بھی مخالفت کردی ہے۔
