پشاور: کاؤنٹر ٹیررزم ڈیپارٹمنٹ نے کالعدم تنظیموں کی کارروائیوں سے متعلق سینٹرل سیل بنانے کا فیصلہ کیا ہے۔
تفصیلات کے مطابق کاؤنٹر ٹیررزم ڈیپارٹمنٹ (سی ٹی ڈی) نے کالعدم تنظیموں کا گھیرا تنگ کرنے کے لیے سینٹرل سیل بنانے کا فیصلہ کیا ہے جس کے لیے مانیٹرنگ سیل قائم کیا جائے گا۔
سی ٹی ڈی حکام کا کہنا ہے کہ کے پی میں جاری دہشتگردی کے واقعات میں داعش، ٹی ٹی پی سمیت دیگر کالعدم تنظمیں ملوث ہیں، بھتہ خوری واقعات کے حوالے سے سیل بھی سینٹرل سیل میں شامل ہوگا۔
- Advertisement -
سی ٹی ڈی حکام کا کہنا ہے کہ ہر کالعدم تنظیم کی تحقیقات کے لئے مانیٹرنگ الگ الگ سیل قائم کیا جائے گا، ہر تحقیقاقی سیل میں 10 سے 15 ارکان شامل ہوں گے۔
حکام کے مطابق ہر تحقیقاتی سیل اپنے مقررہ تنظیم کا ہر زاویہ سے تحقیقات کرے گا، تحقیقاتی سیل کے قیام کے مثبت اثرات مرتب ہوں گے۔
