اسلام آباد : پیٹرولیم گیس (ایل پی جی) کی قیمت میں 10روپے فی کلو اضافہ کر دیا گیا۔
چیئرمین عرفان کھوکھر کے مطابق ایل پی جی 230 روپے فی کلو سے بڑھ کر 240 روپے فی کلو ہوگئی جس کے بعد گھریلو سلنڈر 2830 روپے اور کمرشل سلنڈر 10900 روپے ہوگیا۔
چیئرمین ایل پی جی ایسوسی ایشن کا بتانا ہے کہ پہاڑی و دور دراز کے علاقوں میں ایل پی جی 370 روپے فی کلو ہوگئی، گھریلو سلنڈر 4130 اور کمرشل سلنڈر 15890روپے ہوگیا جبکہ سرکاری قیمت 177روپے فی کلو اور گھریلو سلنڈر 2092 روپے مقرر ہے۔
- Advertisement -
عرفان کھوکھر کا کہنا ہے کہ عوام کو مہنگائی میں سرکاری قیمت پر ایل پی جی دی جائے،گیس مافیا غریب عوام کو لوٹنے میں مصروف ہے۔
چیئرمین ایل پی جی ایسوسی ایشن عرفان کھوکھر نے مزید کہا کہ 5 اور 6 اگست کو ایل پی جی کی سپلائی احتجاجاً بند کردی جائیگی، خیبر سے کراچی تک گیس سپلائی بند کی جائےگی۔
