سیالکوٹ: ڈسکہ پولیس نے کارروائی کرتے ہوئے وزیر آباد کے رہائشی انسانی اسمگلر کو گرفتار کر لیا ہے، ملزم سےبھارتی سمیت درجنوں غیرملکی پاسپورٹ برآمد ہوئے ہیں۔
اے آر وائی نیوز کے مطابق ڈسکہ پولیس نے وزیر آباد کے رہائشی انسانی اسمگلر کو گرفتار کیا ہے، ملزم عنایت علی سے غیرملکی درجنوں پاسپورٹ برآمد ہوئے ہیں جن میں بھارتی پاسپورت بھی شامل ہیں۔
بھارت کے 20، اسپین کے 8، اٹلی کے 6، بیلجیئم کے2، یونان اور پرتگال کا ایک ایک پاسپورٹ انسانی اسمگلر سے برآمد ہوا ہے۔
پولیس نے اس حوالے سے بتایا کہ ملزم مبینہ طور پر لوگوں کوغیر قانونی طریقے سے بیرون ملک بجھواتا ہے، اس کے پاس سے یورپی اور بھارتی پاسپورٹ ملے ہیں۔
ملزم کا اپنے بیان میں کہنا تھا کہ میرا بھانجا مجھے متعلقہ بندے کا نمبر دیتا تو میں ان سے پاسپورٹ وصول کرتا تھا، مجھے پاسپورٹ کا کوئی علم نہیں کہ کہاں سے آتے ہیں۔