بھارتی عدالت نے حزب اختلاف کی جماعت کانگریس پارٹی کے مرکزی رہنما راہول گاندھی کی سزا معطل کردی جس کے بعد پارلیمنٹ میں ان کی رکنیت بحال کردی گئی۔
تفصیلات کے مطابق بھارتی سپریم کورٹ کی جانب سے ہتک عزت کے جرم میں سزا پانے والے کانگریس رہنما راہول گاندھی کی سزا کو معطل کردیا ہے، بھارتی پارلیمنٹ نے ان کی رکنیت بحال کردی۔
بھارتی میڈیا کے مطابق راہول گاندھی کو گجرات کی ایک عدالت نے ان کو مودی کے نام پر تنقید کرنے پر ہتک عزت کے مقدمے میں مجرم قرار دیا تھا۔
کانگریس کے رہنما کو دو سال قید کی سزا سنائی گئی تھی جس کے بعد ان کی پارلیمانی رکنیت ازخود منسوخ ہوگئی تھی۔
راہول گاندھی سپریم کورٹ گئے تھے جب گجرات ہائیکورٹ نے گزشتہ ماہ ان کی سزا کو روکنے کی درخواست کو مسترد کردیا تھا۔
سیشن کورٹ نے سزا کو مکمل طور پر منسوخ کرنے کی ان کی اپیل پر سماعت کی تھی۔ راہول گاندھی 2019 میں وائناڈ سے رکن پارلیمنٹ منتخب ہوئے تھے۔ رواں سال مارچ میں ان کو نااہل کیا گیا تھا۔
