بھارت میں ٹریکٹر چور کو لینے کے دینے پڑ گئے جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق ریاست گجرات میں چور ٹریکٹر چرانے کے لیے پہنچا تو ٹریکٹر خود ہی چل پڑا اور اس کے اوپر چڑھ گیا۔
ویڈیو میں دیکھا جاسکتا ہے کہ چور کو سنبھلنے کا موقع نہیں ملا اور وہ ٹریکٹر کے نیچے آگیا۔
چور ٹریکٹر کے نیچے آنے کے باوجود زخمی حالت میں دوبارہ اٹھا اور ٹریکٹر لے کر فرار ہوگیا۔
હઠીલો ચોર: મરતાં મરતાં બચ્યો પણ ટ્રેકટર ચોરી ગયો, મોડાસાના હજીરા વિસ્તારની ઘટના#Modasa #THIEF #tractor #viralvideo #gujaratfirst pic.twitter.com/crxtI0FrFt
— Gujarat First (@GujaratFirst) September 10, 2023
رپورٹ کے مطابق شوروم کے مالک کی جانب سے چوری کی رپورٹ درج کروائی گئی تھی واقعے کے پانچ دن بعد ٹریکٹر برآمد کرلیا گیا ہے۔
اطلاعات ہیں کہ موڈاسا میں شو روم سے تقریباً 400 کلو میٹر دور سے ٹریکٹر ملا تاہم چور تاحال چور گرفتار نہیں ہوسکا، پولیس مزید تفتیش کررہی ہے۔
ویڈیو وائرل ہونے کے بعد سوشل میڈیا صارفین کی جانب سے تبصرے کیے جارہے ہیں۔ صارفین کا کہنا ہے کہ چور پانچ دنوں میں صرف 400 کلو میٹر دور ہی پہنچا تھا۔
