شوبز انڈسٹری کی ماڈل و اداکارہ میرب علی ایک مرتبہ پھر سوشل میڈیا صارفین کی توجہ مرکز بنی ہوئی ہیں۔
فوٹو اور ویڈیو شیئرنگ ایپ انسٹاگرام پر اداکارہ میرب علی نے ایک تازہ تصویر شیئر کی ہے جس میں وہ سفید رنگ کا رنگ زیب تن کئے ہوئے ہیں، جبکہ ان کی تصویر پر ان کے مداحوں کی جانب سے تعریفی کمنٹس کا سلسلہ بھی جاری ہے۔
میرب علی نے انسٹاگرام پر تصویر شیئر کرتے ہوئے کیپشن میں لکھا کہ ”جب میں نے ناک چھدوائی تھی اور میرے لمبے بال ہوا کرتے تھے“۔۔
انہوں نے چند گھنٹوں قبل یہ تصویر شیئر کی ہے جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
اس سے قبل بھی اداکارہ و ماڈل میرب علی کی چند تصاویر سوشل میڈیا کی زینت بنی تھیں جس میں انہیں تھائی لینڈ کے شہر پھکٹ میں ریسٹورنٹ میں ناشتہ کرتے دیکھا جاسکتا ہے۔
میرب علی نے تصاویر شیئر کرتے ہوئے کیپشن میں لکھا تھا کہ ’گڈ مارننگ۔‘
میرب علی سوشل میڈیا پر اکثر اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
واضح رہے کہ میرب علی اور معروف گلوکار عاصم اظہر کی منگنی گزشتہ سال ہوئی تھی جس کی اطلاع دونوں نے انسٹاگرام پر مداحوں کو دی تھی۔
