سعودی عرب نے کریڈٹ خریداری سے متعلق اہم فیصلہ کر لیا ہے جس کے مطابق اب کریڈٹ خریداری پر صارفین سے لی جانے والی فیسوں کو محدود کر دیا جائے گا۔
غیر ملکی میڈیا کے مطابق سعودی سینٹرل بینک ساما نے کریڈٹ خریداری پر صارفین سے لی جانے والی فیسوں کو محدود کرنے کا فیصلہ کیا ہے اور اس حوالے سے نئے ضوابط کا اعلان بھی کیا ہے۔
سعودی سینٹرل بینک کا کہنا ہے کہ کریڈٹ خریداری کی سہولت فراہم کرنے والی کمپنیوں کو اس بات کا پابند بنایا گیا ہے کہ وہ صارفین سے سروس فراہم کرنے والی کمپنی یا خریدا جانے والا سامان فراہم کرنے والے ادارے یا کسی تیسرے فریق کے لیے فیس کی کٹوتی کو محدود کر دیں۔
تاہم یہ سہولت کریڈٹ کی رقم جمع کرانے میں تاخیر پر وصول کی جانے والی فیس یا پیشگی طے شدہ کسی فیس پر لاگو نہیں ہوگی۔
ساما نے کہا ہے کہ کریڈٹ پر فراہم کی جانے والے سہولت 18 سال سے زیادہ عمر کے افراد کو حاصل ہوگی جب کہ غیر ملکی سعودی ریال کے علاوہ کسی اور کرنسی میں کوئی چیز خریدنا چاہتا ہوں تو اس کے لیے سہولت فراہم کرنے والی کمپنی کی منظوری لازمی ہو گی۔
Comments