نیٹ فلکس انڈیا نے سنجے لیلا بھنسالی کی بھارتی ویب سیریز ’ہیرا منڈی‘ کے ٹیزر کو جاری کردیا گیا جسے سوشل میڈیا پر کافی سراہا جارہا ہے۔
بھارتی میڈیا کے مطابق ’دیوداس‘ اور ’باجی راؤ مستانی‘ جیسی فلمیں بنانے والے بالی ووڈ کے معروف فلم ساز سنجے لیلا بھنسالی نے آزادی سے پہلے کے بھارت میں درباریوں کی زندگیوں پر ایک ویب سیریز تیار کی ہے جس کا ٹیزر جاری کیا گیا ہے۔
View this post on Instagram
’ہیرا منڈی‘ میں سوناکشی سنہا، ادیتی راؤ حیدری، منیشا کوئرالا، شرمین سہگل، سنجیدہ شیخ اور ریچا چڈھا مرکزی کردار ادا کررہی ہیں۔
سوشل میڈیا پر ’ہیرا منڈی‘ کے ٹیزر کی دھوم مچ گئی ہے، ٹیزر میں سیریز کی مرکزی اداکاراؤں کے رقص سے لیکر کچھ ایکشن سین بھی دکھائے گئے ہیں۔
View this post on Instagram
ہیرا منڈی مغل دور میں لاہور کا ایک ایسا علاقہ رہا ہے جہاں طوائفیں رہا کرتی تھیں اور وہاں رقص و گیت کی محفلیں آراستہ ہوتی تھیں۔
فلم ساز نے بتایا کہ ’ہیرا منڈی‘ میں دکھایا جائے گا کہ ماضی میں جسم فروشی کے اڈوں پر کس طرح آرٹ اور ثقافت کی ترویج ہوتی تھی اور کس طرح وہیں سیاست پلتی اور بڑھتی تھی۔
سنجے لیلیٰ بھنسالی نے ’ہیرا منڈی‘ کو مشکل ترین پروجیکٹ بھی قرار دیا، تاہم ساتھ ہی امید ظاہر کی کہ وہ اسے توقعات کے مطابق پورا کریں گے۔
