معروف امریکی گلوکارہ ٹیلر سوئفٹ گریمی ایوارڈ جیتنے کے ساتھ ساتھ ایک اور اعزاز بھی حاصل کرنے میں کامیاب ہوگئیں۔
بین الاقوامی خبر رساں ادارے کی رپورٹ کے مطابق گریمی ایوارڈز 2024ء میں ٹیلر سوئفٹ نے (Midnights) کے لیے البم آف دی ایئر کا ایوارڈ اپنے نام کیا۔
34 سالہ ٹیلر سوئفٹ نے ایوارڈ وصول کرتے ہوئے کہا کہ میرے لیے ایوارڈ کام ہے جسے میں بہت پسند کرتی ہوں اور یہ مجھے بہت خوش کرتا ہے۔
- Advertisement -
رپورٹس میں کہا گیا ہے کہ گریمی ایوارڈز کی تاریخ میں پہلی مرتبہ ایسا ہوا ہے کہ کسی بھی فنکار نے اس کیٹیگری میں چار مرتبہ ایوارڈ حاصل کیا ہو۔
ٹیلر سوئفٹ ٹائم میگزین کی 2023 کی بہترین شخصیت قرار
ٹیلر سوئفٹ کا کہنا تھا کہ یہ ایوارڈ ان لوگوں کی بھی خوشی کا باعث ہے جنہوں نے میرے لیے ووٹ دیا۔ واضح رہے کہ ٹیلر سوئفٹ کی البم (Midnights) اکتوبر 2022ء میں ریلیز ہوئی تھی۔
