اداکارہ میرب علی نے بھائی کی ڈھولکی کی تصاویر سوشل میڈیا پر شیئر کردیں۔
فوٹو اور ویڈیو شیئرنگ ایپ انسٹاگرام پر اداکارہ میرب علی نے انسٹاگرام پر تصاویر شیئر کیں جس میں انہیں بھائی کی ’ڈھولکی‘ میں خوشگوار موڈ میں دیکھا جاسکتا ہے۔
میرب علی نے اس پرمسرت موقع پر مرون رنگ کا کام والا لباس زیب تن کیا۔
View this post on Instagram
اداکارہ نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
دوسری جانب گلوکار عاصم اظہر نے بھی مختلف انسٹااسٹوریز شیئر کیں اور بتایا کہ وہ اپنے دوست کی شادی کے سلسلے میں کراچی سے لاہور پہنچ گئے ہیں، جبکہ ایک انسٹااسٹوری میں انہوں نے اپنے دوست یعنی میرب کے بھائی رمیس کی تصویر بھی شیئر کی اور کیپشن میں انہیں ’دولہے راجہ‘ کہہ کر مخاطب کیا۔
View this post on Instagram
اداکارہ میرب علی کی جانب سے شیئر کی گئی انسٹااسٹوری میں یہ بھی دیکھا جاسکتا ہے کہ ان کے بھائی رمیس کی ڈھولکی کی تیاریاں مکمل ہیں۔
ادھر عاصم اظہر کی انسٹا اسٹوری میں شیئر کی گئی ویڈیو کلپ میں انہیں، اداکارہ میرب علی اور سینیئر اداکارہ گل رعنا کو گاڑی کی عقبی نشست پر بیٹھے ہوئے دیکھا جاسکتا ہے، غالباً یہ لوگ میرب کے بھائی کی ڈھولکی میں جا رہے ہیں جبکہ گاڑی میرب کے بھائی خود چلا رہے ہیں اور ان کے ساتھ ان کی والدہ بیٹھی ہوئی ہیں۔
خیال رہے کہ مارچ 2022 میں گلوکار عاصم اظہر نے میرب علی سے گھر والوں کی رضا مندی سے منگنی کی تھی۔
