کراچی : پاکستان میں سونے کی قیمت بلند ترین سطح پر پہنچنے کے بعد اچانک نیچے آگئی، آج فی تولہ قیمت میں کتنی کمی ہوئی۔
تفصیلات کے مطابق عالمی اور مقامی منڈیوں میں سونے کی قیمتوں میں اضافے کے بعد اچانک کمی ریکارڈ کی گئی، گذشتہ ہفتے سونا بلند ترین سطح پر پہنچ گیا تھا۔
پاکستان جیمز اینڈ جیولر ایسوسی ایشن نے بتایا کہ ملک میں سونےکی فی تولہ قیمت میں600 روپے کی کمی ہوئی، جس کے بعد سونا 2 لاکھ 71 ہزار 900 روپے فی تولہ ہوگیا۔
اسی طرح 10گرام سونےکی قیمت میں471روپے کی کمی ریکارڈ کی گئی اور سونا 2 لاکھ 33ہزار110روپے کا ہوگیا جبکہ چاندی کی فی تولہ قیمت 2 ہزار 950 روپے پر مستحکم رہی۔
عالمی مارکیٹ میں سونا 5 ڈالر کی کمی سے 2617 ڈالر فی اونس کی سطح پر آگیا۔
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
