The news is by your side.

ایبٹ آباد میں افغانیوں کو نکالنے کیلئے آپریشن شروع

ایبٹ آباد : حساس اداروں کی جانب سے افغانیوں کو پاک چین راہداری منصوبہ اور ایبٹ آباد کی سیکورٹی کیلئے رسک قرار دئیے جانے کے بعدایبٹ آباد کینٹ کی حدودمیں افغانیوں کونکالنے کیلئے پولیس اور کینٹ بورڈ نے آپریشن شروع کر دیا۔

کالج روڈ پر افغانیوں کے زیراستعمال دکانیں ماربل فیکٹری سیل کر دی۔ ایک ماہ کے نوٹس کی مدت ختم ہونے کے بعد کنٹونمنٹ بورڈ ایبٹ آباد کے عملہ اور پولیس نے افغانیوں کو کینٹ کی حدود سے نکالنے کیلئے مشترکہ آپریشن شروع کر دیا۔

منڈیاں کالج روڈ پرافغانیوں کے زیراستعمال تھڑے، ریڑھیاں قبضہ میں لے لیں، اور متعدد افغانیوں کو گرفتار کرکے ان کے زیر استعمال دکانیں سیل کر دی گئیں۔

کینٹ بورڈ کے ذرائع کے مطابق افغانیوں کو کسی صورت کینٹ کی حدود میں رہائش یا کاروبار کرنے کی اجازت نہیں دی جائے گی، پہلے مرحلہ میں افغانیوں کے کاروبار کو ختم جبکہ دوسرے مرحلہ میں انہیں کینٹ کے رہائشی گھروں سے نکالا جائے گا۔

پہلے ہی کینٹ بورڈ نے نوٹسز جاری کر دئیے ہیں جس کی معیاد ختم ہونے کے بعد آپریشن شروع کیا گیا ہے، آپریشن کی قیادت وائس چئیرمین کینٹ بورڈ سردار ذوالفقار علی بھٹو اور دیگر بورڈ ممبران کر رہے ہیں۔

Print Friendly, PDF & Email

Comments

comments

یہ بھی پڑھیں