بھارتی صحافی وکرانت گپتا بھی قومی ٹیم کے اوپنر بیٹر عبداللہ شفیق کی شاندار کارکردگی کے معترف ہوگئے۔
حیدرآباد میں کھیلے جارہے ورلڈ کپ کے ساتویں میچ میں سری لنکا کے خلاف قومی ٹیم کے اوپنر عبداللہ شفیق نے شاندار سنچری جڑ دی۔
سری لنکا نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 344 رنز بنائے اور پاکستان کو جیت کے لیے 345 رنز کا ہدف دیا ہے۔
ہدف کے تعاقب میں قومی ٹیم کی ابتدائی دو وکٹیں 37 رنز پر گریں جب بابر اعظم 10 اور امام الحق 12 رنز بنا کر پویلین لوٹ گئے۔
دو وکٹیں گرنے کے بعد اوپنر عبداللہ شفیق اور محمد رضوان نے 150 سے زائد رنز کی پارٹنر شپ بنائی۔
عبداللہ شفیق نے سری لنکا کے خلاف کیریئر کی پہلی سنچری بنا ڈالی، اوپنر بیٹر نے 97 گیندوں پر 103 رنز بنائے ہیں، انہوں نے 8 چوکے اور تین چھکوں کی مدد سے سنچری اسکور کی ہے۔
بھارتی صحافی وکرانت گپتا نے عبداللہ شفیق کی اننگز کی تعریف کردی۔
سماجی رابطے کی ویب سائٹ ایکس پر وکرانت گپتا نے لکھا کہ کمال ہے، پاکستان نے عبداللہ شفیق کو پہلے کیوں نہیں کھلایا، یہ شاندار کھلاڑی لگ رہے ہیں۔
Kamaal hai, why did Pakistan not play Abdullah Shafique before. He looks a brilliant player
Pakistan winning from here. #PAKvsSL #ICCCricketWorldCup
— Vikrant Gupta (@vikrantgupta73) October 10, 2023
