کراچی : ادھار پیسے واپس مانگنے پر دوست کو قتل کرنیوالا ملزم کو گرفتار کرلیا گیا، ملزم نے بتایا کہ مقتول سے7لاکھ روپے ادھار لئے تھے۔
تفصیلات کے مطابق کراچی میں مبینہ ٹاؤن پولیس نے ادھار پیسے واپس مانگنے پر دوست کو قتل کرنیوالا ملزم کو گرفتار کرلیا۔
پولیس حکام نے بتایا کہ 23جون کو فیصل گبول نامی شخص کی لاش کار سے ملی تھی، ملزم صفیان کو فیصل گبول کے قتل کے الزام میں گرفتار کیا۔
- Advertisement -
حکام کا کہنا تھا کہ ملزم کے ابتدائی بیان کے مطابق مقتول سے7لاکھ روپے ادھار لئے تھے، قتل میں ملوث ملزم کیخلاف متعدد ثبوت موجود ہیں، گاڑی کے اندر سے ہی نائن ایم ایم کا خول بھی مل گیا ہے۔