کراچی : ملک بھر میں بجلی چوری کیخلاف ہونے والی کارروائیوں کے بعد اب کے الیکٹرک نے بھی شہر قائد میں بجلی چوروں کے خلاف آپریشن کا آغاز کردیا۔،
اس حوالے سے سی ای او کے الیکٹرک مونس علوی نے کہا ہے کہ کے الیکٹرک نے کراچی میں بجلی چوروں کے خلاف آپریشن کا باقاعدہ آغاز کردیا گیا ہے۔
انہوں نے کہا کہ بجلی چوری کے خاتمے کے لیے فوری کارروائی ضروری ہے، عزیزآباد، نارتھ ناظم آباد میں بجلی چوری پر3ایف آئی آر درج کرائیں۔
سی ای او مونس علوی کا مزید کہنا ہے کہ کارروائی میں حکومت و قانون نافذ کرنے والےاداروں کے تعاون کے مشکور ہیں۔
Swift and critical action is essential to eliminate power theft. With support of local authorities, KE today successfully lodged 3FIRs against electricity theft in Azizabad & North Nazimabad respectively. Grateful for Provincial Government and LEAs support against this challenge. pic.twitter.com/SaUn7BEGko
— Moonis Alvi (@alvimoonis) September 11, 2023
واضح رہے کہ اس سے قبل سندھ کی نگراں حکومت نے بھی صوبے بھر میں بجلی چوری کرنے والوں کے خلاف سخت کریک ڈاؤن کرنے کا فیصلہ کرلیا۔
اس سلسلے میں سیکریٹری داخلہ کی سربراہی میں صوبائی ٹاسک فورس کمیٹی تشکیل دے دی گئی جس کا نوٹیفکیشن بھی جاری کردیا گیا ہے۔
اس کے علاوہ ملک بھرمیں بجلی چوری کے خلاف کریک ڈاؤن کا سلسلہ جاری ہے، چار روز کی کارروائیوں کے دوران 80 لاکھ یونٹ سے زائد بجلی چوری پکڑی گئی۔
