The news is by your side.

صاحبہ نے بیٹیوں سے متعلق بیان پر وضاحت دے دی

پاکستانی ڈرامہ انڈسٹری کی معروف اداکارہ صاحبہ افضل نے حال ہی میں بیٹیوں سے متعلق دیے گئے اپنے بیان پر تنقید کے بعد وضاحت دے دی۔

گزشتہ دنوں صاحبہ اور ریمبو نے اپنے دونوں بیٹوں کے ساتھ پروگرام ’شان سحور‘ میں شرکت کی جہاں انہوں نے ندا یاسر کے سوال کے جواب میں کہا تھا کہ ’اللہ نے مجھے اس زمانے میں بیٹیاں نہیں دیں جس پر اس کی شکر گزار ہوں۔

اداکارہ کا کہنا تھا کہ مجھے ہمیشہ سے بیٹوں کی خواہش تھی بیٹیوں کے نصیب سے ڈر لگتا ہے، ان کا دکھ نہیں دیکھا جاتا۔

صاحبہ کے انٹرویو کا کلپ وائرل ہوا تو سوشل میڈیا پر انہیں سخت تنقید کا نشانہ بنایا گیا جس کے بعد اب اداکارہ نے وضاحت پیش کی ہے۔

اداکارہ حرا خان نے صاحبہ پر سخت الفاظ میں تنقید کی، انہوں نے انسٹاگرام اسٹوری پر کہا کہ ‘بیٹیوں کو کیوں کچھ کرنے کی اجازت نہیں ہوتی؟ کیونکہ آپ جیسے والدین ہوتے ہیں’۔

صاحبہ نے اپنے آفیشل انسٹاگرام پر اپنی تصویر شیئر کی جس کے کیپشن میں انہوں نے لکھا کہ بیٹی رحمت ہوتی ہے اور مجھے صرف بیٹیوں کے نصیب سے ڈر لگتا ہے۔

انہوں نے کہا کہ اللّہ پاک، ہمیں اُس ہر نعمت پر شکر ادا کرنے کی توفیق ادا کرے جو ہمیں ملی ہے اور جو نہیں ملی، میری بات میں صرف ڈر تھا اور کوئی دوسرا مطلب نہیں۔

انہوں نے مزید کہا کہ اللّہ تعالیٰ ہر بیٹی کے نصیب اچھے کرے، آمین۔

Comments

یہ بھی پڑھیں