The news is by your side.

Advertisement

امریکا چین ٹیکس تنازع، بین الاقوامی اسٹاک مارکیٹس میں مندی، تجارتی سرگرمیاں متاثر

واشنگٹن : چین اور امریکا میں تجارتی تنازع میں شدت آنے کے بعد عالمی اسٹاک مارکیٹس میں مندی کا رجحان پیدا ہوگیا، امریکا کی ایران پر پابندیوں کے باوجود یورپی یونین نے ایران سے جوہری معاہدہ جاری رکھنے کا اعلان کیا ہے۔

امریکا کے ایران اور چین سے کشیدہ تعلقات سے عالمی تجارتی سرگرمیاں متاثر ہونے لگیں، چین پر امریکا کی جانب سے مزید ٹیکس کے نفاذ اور چین کے جوابی اقدامات کے اعلان کے بعد عالمی اسٹاک مارکیٹس میں مندی کے رجحان میں اضافہ ہوا ہے۔

امریکی صدر ڈونلڈ ٹرمپ نے امید ظاہرکی ہے کہ امریکا اور چین کے درمیان تجارتی تنازع بات چیت سے جلد حل ہوجائے گا۔ چین کے وزیرخارجہ کا کہنا ہے چین اور امریکا تجارتی مذاکرات میں مسائل درپیش ہیں جن کو حل کرنا ضروری ہے۔

مذاکرات برابری کی بنیاد پر ہونے چاہئیں۔ ادھر ایران پر امریکی پابندیوں اور امریکا کے جوہری معاہدے سے نکلنے کے باوجود یورپی یونین کا کہنا ہے کہ ایران سے جوہری معاہدے کوجاری رکھا جائے گا۔

صدر ٹرمپ نے ایران کو دھمکی دی ہے کہ امریکا کے خلاف کوئی کارروائی ایران کی بڑی غلطی ہوگی، ایران کو بہت نقصان اٹھانا پڑے گا۔

Comments

comments

یہ بھی پڑھیں