ممبئی: بالی وڈ کے سُپر اسٹار المعروف ’مسٹر پرفیکشنسٹ‘ عامر خان نے اپنی پہلی سابقہ اہلیہ رینا دتہ سے انکشاف کر کے سب کو حیران کر دیا۔
بالی ووڈ سپر اسٹار عامر خان پہلی بار مشہور کامیڈین کپل شرما کے شو میں بطور مہمان شرکت کی، انہوں نے شو میں اپنی ذاتی اور پیشہ ورانہ زندگی سے متعلق دلچسپ گفتگو کی۔
View this post on Instagram
اس دوران عامر خان نے انکشاف کیا کہ ایک بار ان کی سابقہ اہلیہ رینا دتہ نے انہیں تھپڑ مار دیا تھا، انہوں نے دلچسپ واقعہ سناتے ہوئے کہا کہ ’’ میرے بڑے بیٹے جنید کی پیدائش ہونے والی تھی اور اس وقت رینا جی درد میں مبتا تھی، ہم اسپتال میں تھے اور میں ایک اچھے شوہر کی طرح ان کی تکلیف کم کرنے کے لیے ان سے سانس لینے کا کہہ رہا تھا۔
عامر خان نے بتایا کہ جب رینا کی تکلیف میں اضافہ ہوا تو میں نے بریدنگ ایکسرسائز کے ذریعے انہیں پرسکون کرانے کی کوشش کی تو انہوں نے مجھے تھپڑ ماردیا اور کہا کہ بکواس کرنا بند کردو، مجھے بہت درد ہو رہا ہے۔ عامر خان نے یہ بھی بتایا کہ درد میں رینا نے ان کا ہاتھ بھی کاٹ لیا تھا۔
عامر خان کا مزید کہنا تھا کہ اس وقت میں نے نوٹس کیاکہ جب رینا جی کو بہت زیادہ درد ہوتا تھا، تو ان کے چہرے کے تاثرات بالکل الگ ہوتے تھے،جیسے کچھ سرپرائزنگ ہو، جب وہ گھر اسپتال سے گھر آگئیں تو میں نے انہیں بتایا کہ آپ نے مجھے تھپڑ مارا تھا جس پر وہ پھر سے غصہ ہوگئیں اور کہا میں اس وقت بہت تکلیف میں تھی۔
واضح رہے کہ عامر خان نے 1986 میں رینا دتہ سے شادی کی تھی تاہم 2002 میں جوڑے نے ایک دوسرے راہیں جدا کر لی تھیں، جوڑے کے دو بچے آئرا اور جنید ہیں۔
