کراچی: اینٹی نارکوٹکس فورس کی کراچی سمیت ملک بھر میں تعلیمی اداروں میں منشیات سپلائی کرنے والا گینگ کیخلاف کارروائیاں جاری ہے، کارروائی کے دوران بھاری مقدار میں منشیات برآمد کرلی گئی۔
اے آر وائی نیوز کے مطابق انسداد منشیات فورس (اے این ایف) کی جانب سے منشیات کے خلاف کاروائیوں کا سلسلہ جاری ہے، کراچی کے علاقے گلستان جوہر میں ایک خاتون کو گرفتار کیا گیا ہے جس سے 4 کلو 590 گرام منشیات برآمد ہوئی ہے۔
اے این ایف نے راولپنڈی میں جی ٹی روڈ سے 3 ملزمان گرفتار کیا ہے جس سے 30 نشہ آور گولیاں اور 250 گرام چرس برآمد کی گئی ہے۔
ترجمان اے این ایف کے مطابق اورکزئی کے قریب کارروائی میں پلاسٹک کے تھیلوں سے 48 کلو چرس برآمد کرلی گئی جب کہ چمن پاک افغان بارڈرکےقریب کارروائی میں تھیلوں سے 9کلو 774گرام آئس برآمد کیا گیا۔
ترجمان اے این ایف نے مزید بتایا کہ کراچی بلال چورنگی کےقریب ٹرک سے48 کلو چرس برآمد ہوا جس کے بعد ملزم کو گرفتار کرلیا گیا ہے۔
