راولپنڈی : آرمی چیف جنرل قمر باجوہ نے کہا ہے کہ پاک فوج ہر شعبے میں سعودی مسلح افواج کے ساتھ کھڑی ہے، دونوں ملکوں کے درمیان تاریخی دفاعی تعاون موجود ہے۔
ان خیالات کا اظہار انہوں نے سعودی شہزادہ ترکی بن عبداللہ بن ال شبانہ سے ملاقات کے موقع پر کیا۔ پاک فوج کے شعبہ تعلقات عامہ آئی ایس پی آر کے مطابق جی ایچ کیو میں آرمی چیف جنرل قمر باجوہ سے سعودی شہزادہ ترکی بن عبداللہ بن ال شبانہ نے ملاقات کی ہے۔
ملاقات میں سعودی وزیردفاع کے ملٹری ایڈوائزر میجر جنرل طلال بھی موجود تھے، دونوں شخصیات نے ملاقات میں خطے کی سیکیورٹی صورتحال اور باہمی دلچسپی کےامور پر تبادلہ خیال کیا۔
۔۔۔۔۔وجرى خلال اللقاء مناقشة الوضع الأمني الإقليمي والمسائل ذات الاهتمام المشترك.وقال معالي الفريق أول ركن باجوه إن البلدين لهما تاريخ من التعاون الدفاعي الذي تقدره باكستان تقديراً كبيراً.
وقال إن الجيش الباكستاني يقف مع القوات المسلحة السعودية في جميع المجالات. https://t.co/Jorf267LLq— DG ISPR (@OfficialDGISPR) July 31, 2019
ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پرعربی میں پیغام جاری کیا۔ جس میں بتایا گیا ہے کہ ملاقات کے موقع پر گفتگو کرتے ہوئے آرمی چیف جنرل قمر باجوہ نے کہا کہ پاک فوج ہرشعبے میں سعودی مسلح افواج کےساتھ کھڑی ہے۔
دونوں ملکوں کے درمیان تاریخی دفاعی تعاون موجود ہے، آرمی چیف نے شہزادہ بندربن عبدالعزیز بن سعود کےانتقال پر اپنے گہرے دکھ اور رنج کا اظہار کرتے ہوئے اظہار تعزیت بھی کیا۔
