منیلا / نیو یارک : فلپائن کے آرمی چیف بھی کرونا کا شکار ہوگئے، اس کے علاوہ 23 امریکی نیوی اہلکاروں میں بھی کورونا وائرسکی تصدیق ہوئی ہے۔
تفصیلات کے مطابق فلپائن کے فوجی سربراہ فیلیمون سینٹوس جوینیئر کورونا وائرس میں مببتلا ہوگئے، ان کے ساتھ مسلسل رابطے میں رہنے والے وزیر دفاع ڈیلفِن لورینجانا نے بھی خود کو سیلف قرنطینہ کرلیا ہے۔
اس حوالے سے غیر ملکی خبر رساں ایجنسی کا کہنا ہے کہ گزشتہ روز فلپائن کے آرمی چیف کا کورونا ٹیسٹ مثبت آیا ہے فوجی ہیڈ کوارٹرز میں ڈاکٹروں کی جانب سے سینٹوس کی مسلسل نگرانی کی جائے گی اور انہیں اسپتال میں داخل نہیں کیا جائے گا۔
فوجی ترجمان نے بتایا کہ ان کی صحت ابھی ٹھیک ہے اور وہ اپنے فوجی کوارٹر میں رہیں گے جہاں سے وہ اپنے فرائض انجام دیتے رہیں گی۔
اس کے علاوہ امریکی بحری جہاز کے23 نیوی اہلکاروں میں کرونا وائرس کی تصدیق ہوئی ہے۔ امریکی نیوی سیکرٹری تھامس مولڈے نے پریس کانفرنس میں بتایا کہ نیوی کے تئیس اہلکاروں میں کرونا کی تصدیق ہوئی ہے جس کے بعد پانچ ہزار نیوی اہلکاروں کی ٹیسٹنگ کا فیصلہ کیا گیا ہے۔
مزید پڑھیں : کرونا وائرس، امریکا میں 1 لاکھ افراد متاثر، 2 کھرب ڈالرز کے ریلیف بل کی منظوری
واضح رہے کہ امریکا میں کرونا وائرس سے ہونے والی ہلاکتیں 15 سو سے زائد ہوگئیں، امریکی صدر ڈونلڈ ٹرمپ نے 2.2 کھرب ڈالرز کے ریلیف بل پر دستخط کردیے ہیں۔
