شارجہ: قومی ٹیم کے وکٹ کیپر بیٹر محمد رضوان کا کہنا ہے کہ ہمارے بولرز میں کوئی بھی شاہین آفریدی کی کمی پوری نہیں کرسکتا۔
تفصیلات کے مطابق وکٹ کیپر بلے باز محمد رضوان نے نیوز کانفرنس کرتے ہوئے کہا کہ ہانگ کانگ کے خلاف شروع میں مشکل ہورہی تھی لیکن وکٹ کا اندازہ ہونے کے بعد لمبی اننگ کھیلی۔
انہوں نے کہا کہ دستیاب بولرز میں کوئی بھی شاہین تو بن سکتا ہے لیکن کوئی بھی ان کی کمی پوری نہیں کرسکتا۔
اتوار کو روایتی حریف بھارت کے خلاف میچ سے متعلق سوال پر رضوان نے کہا کہ بھارت سے ہر میچ چیلنج اور فائنل جیسا ہوتا ہے میچ کا پریشر ان پر بھی ہوتا ہے۔
7️⃣7️⃣ runs in the last five overs 💥
Death overs surge takes Pakistan to 193-2 👏 #AsiaCup2022 | #PAKvHK pic.twitter.com/s048IEQwoK
— Pakistan Cricket (@TheRealPCB) September 2, 2022
محمد رضوان نے بتایا کہ یہاں گرمی کی وجہ سے پانی کمی سے تھوڑا مسل کا مسئلہ ہوتا ہے۔
7️⃣8️⃣ not out
5️⃣7️⃣ balls
6️⃣ fours
1️⃣ six@iMRizwanPak is the player of the match today for his stellar knock 🏆#AsiaCup2022 | #PAKvHK pic.twitter.com/zVC13TrMUW— Pakistan Cricket (@TheRealPCB) September 2, 2022
ایشیا کپ فائنل سے متعلق وکٹ کیپر بیٹر نے کہا کہ فائنل کی بات ہوتی رہتی ہے ہمیں تگڑی کرکٹ کھیلنا ہے۔
واضح رہے کہ پاکستان نے ہانگ کانگ کو 155 رنز سے شکست سے سپر فور مرحلے کے لیے کوالیفائی کرلیا ہے، محمد رضوان کو 78 رنز کی شاندار اننگز کھیلنے پر میچ کا بہترین کھلاڑی قرار دیا گیا۔
سپر فور میں پاکستان کا مقابلہ اتوار کو بھارت سے ہوگا جبکہ قومی ٹیم 7 ستمبر کو افغانستان اور 9 ستمبر کو سری لنکا سے کھیلے گی۔