لاہور: گزشتہ روز پاکستان کی میزبانی میں سری لنکا میں ہونے والے پاک بھارت میچ میں آل راؤنڈر شاداب خان نے اسپورٹسمین اسپرٹ کی مثال قائم کردی۔
گزشتہ روز کے ایشیا کپ ون ڈے میں پاکستان کے خلاف بھارت کی پوری ٹیم 49 ویں اوور میں 266 رنز بنا کر آؤٹ ہوگئی تھی۔
پالی کیلے میں جاری میچ میں ابتدائی 4 وکٹیں جلد گرنے کے بعد ایشان کشن اور ہردیک پانڈیا اسپنرز کیخلاف جارحانہ انداز اپناتے ہوئے ٹیم کو بہتر پوزیشن میں لا رہے تھے۔
پاک بھارت میچ، بابر اعظم نے کس کی تعریف کی؟
اسی دوران بھارت کے آل راؤنڈر ہاردیک پانڈیا کو جوتے کا تسمہ باندھنے کی ضرورت محسوس ہوئی مگر گلوز حائل ہو گئے، شاداب خان نے ان کی پریشانی کو سمجھا اور مدد کیلیے آگئے۔
ویڈیو سوشل میڈیا پر وائرل ہو گئی، پاکستانی آل راؤنڈر کی اسپورٹسمین اسپرٹ کو سراہا جارہا ہے۔
انڈین میڈیا کے منہ پر طمانچہ، ان فٹ بولر ایسا فٹ ہوا کہ بھارتی بیٹنگ کی بینڈ بجا دی
اس کے علاوہ میچ بے نتیجہ ختم ہونے کے بعد کی بھی کچھ تصاویر سوشل میڈیا پر وائرل ہورہی ہیں جس میں بھارت کے سابق کپتان اور دیگر کھلاڑیوں کو پاکستانی کھلاڑیوں کے ساتھ بات چیت کرتے ہوئے دیکھا گیا۔
یاد رہے کہ ایشیا کپ ون ڈے میں پاکستان کے خلاف بھارت کی پوری ٹیم 49 ویں اوور میں 266 رنز بنا کر آؤٹ ہوگئی تھی۔
اس میچ میں پاکستانی فاسٹ بولرز نے تاریخ رقم کی، ایشیا کپ ون ڈے کی تاریخ میں پہلی بار فاسٹ بولرز نے مخالف ٹیم کی تمام وکٹیں اڑادی، تاہم بارز کے باعث پاک بھارت میچ بے نتیجہ ختم ہوگیا۔
