دبئی: پاکستان انڈر19 کرکٹ ٹیم نے ایشیا کپ میں شاندار پرفارمنس کا مظاہرہ کرتے ہوئے بھارت کو شکست فاش سے دوچار کردیا۔
تفصلات کے مطابق پاکستان کے ابھرتے ہوئے اسٹارز نے روایتی حریف بھارت کے خلاف ایشیا کپ میں عمدہ کاکردگی کا مظاہرہ کرتے ہوئے اسے چاروں شانے چت کردیا۔ گرین شرٹس نے باآسانی بھارت کو باآسانی 8 وکٹوں کی ہزیمت سے دوچار کیا۔
اہم مقابلے میں پاکستان انڈر 19 ٹیم کے کپتان سعد نے ٹاس جیت کر پہلے حریف کو بیٹنگ کی دعوت دی۔ بھارت انڈر19 نے پہلے بیٹنگ کرتے ہوئے 9 وکٹوں کے نقصان پر 259 رنزاسکورکیے۔
پاکستان انڈر19 نے شاندار طریقے سے ہدف کا تعاقب کرتے ہوئے 2 وکٹوں کے نقصان پر 260 رنز کا ہدف حاصل کرلیا۔
اذان اویس نے میچ وننگ سنچری اسکور کرتے ہوئے 105 رنز کی عمدہ باری کھیلی۔ اوپننگ بیٹر شاہ زیب خان بھی 63 رنز بنا کر نمایا رہے، کپتان سعد بیگ نے 68رنز اسکور کیے۔
ایشیا کپ میں یہ پاکستان انڈر19 ٹیم کی مسلسل دوسری کامیابی ہے۔ پاکستان کی جانب سے بولنگ میں محمد ذیشان نے 4، عامرحسین اور عبید شاہ نے 2 ،2 وکٹیں اپنے نام کیں۔
