جنوبی کوریا کے شہر سیونگنام میں نامعلوم چاقو بردار شخص نے حملہ کر کے کم از کم 13 شہریوں کو شدید زخمی کر دیا۔
برطانوی میڈیا کی رپورٹس کے مطابق حملہ آور نے پہلے شاپنگ مال کے قریب راہگیروں پر گاڑی چڑھائی اور پھر گاڑی سے اتر کر لوگوں پر چاقو سے حملہ کیا۔
پولیس حکام کے مطابق حملہ آور کو گرفتار کر لیا گیا جبکہ زخمیوں کو اسپتال منتقل کر دیا گیا جہاں انہیں طبی امداد فراہم کی جا رہی ہے۔
حکام نے بتایا کہ 9 افراد چاقو حملے میں زخمی ہوئے جبکہ دیگر 4 شہری گاڑی کی ٹکرے سے متاثر ہوئے۔ پولیس نے اسے ’دہشتگرد حملہ‘ قرار دیتے ہوئے تحقیقات کا شروع کر دیں۔
پولیس کو شام 6 بجے کے قریب کال موصول ہوئی کہ نامعلوم شخص شاپنگ مال میں گاڑی لے جانے کی کوشش کر رہا ہے جس سے متعدد شہری زخمی ہو گئے۔
اس کے تھوڑی ہی دیر بعد ایک اور ایمرجنسی کال موصول ہوئی کہ مشتبہ شخص نے اب لوگوں پر چاقو سے حملہ کیا ہے۔ پولیس نے موقع پر پہنچ کر ملزم کو گرفتار کیا۔