بابر اعظم نیٹ سیشن کے دوران فاسٹ بولر خرم شہزاد کی بولنگ پر جدوجہد کا شکار نظر آئے، جس کی ویڈیو سوشل میڈیا پر وائرل ہوگئی۔
بنگلہ دیش کے خلاف سیریز کے قبل راولپنڈی میں قومی ٹیم کے حالیہ نیٹ سیشن کے دوران ایک دلچسپ ویڈیو وائرل ہورہی ہے جس میں فاسٹ بولر خرم شہزاد کی جانب سے کئی گھومتی ہوئی گیندیں کرائی گئیں جس نے اسٹار بلے باز بابر اعظم کو امتحان میں ڈال دیا۔
وائرل کلپ میں دیکھا جاسکتا ہے کہ خرم شہزاد نے بابر کو ایک شاندار آؤٹ سوئنگر کی جو بابر کے آف اسٹمپ کی جانب سے باہر نکل گئی جس سے واضح تھا کہ قومی کپتان اس گیند کو سمجھ نہیں پائے۔
تاہم اگلی ہی ڈلیوری بابر کے لیے زیادہ پریشان کن ثابت ہوئی جب خرم نے ایک اور تیز ڈلیور ڈالی جو ان سوئنگ ہوتی ہوئی بابر کی ران پر لگ گئی اور وہ کافی تکلیف میں نظر آئے۔
خرم شہزاد کی گیند لگنے کے بعد بابر اعظم فوری طور پر وہیں پچب پر بیٹھ گئے جبکہ فاسٹ بولر بھاگتے ہوئے ان کی خیریت پوچھنے آئے۔
بابر اعظم کی آزمائش یہیں ختم نہیں ہوئی بلکہ خرم شہزاد کی اگلی گیند اور خطرناک تھے جسے پاکستان کے ٹی ٹوئنٹی کپتان بالکل نہیں سمجھ پائے اور کلین بولڈ ہوگئے۔
خیال رہے کہ بنگلادیش کیخلاف ہوم سیریز کے پہلے ٹیسٹ میچ کا آغاز 21 اگست سے راولپنڈی میں ہوگا جبکہ دوسرا ٹیسٹ 30 اگست کو کراچی کے نیشنل اسٹیڈیم میں کھیلا جائے گا۔
