کابل: افغانستان کے صوبے خوست میں واقع ایئرپورٹ کے قریب دھماکے کی آواز سنائی دی ہے۔ حکام کے مطابق دھماکے میں ہلاکتوں کا خدشہ ہے۔
افغان میڈیا کے مطابق دھماکہ صوبے خوست میں واقع ایئرپورٹ اور امریکی فوجی اڈے کے قریب ہوا ہے۔
Latest | A large blast has taken place close to Khost airport and US base in #Khost province of #Afghanistan short while ago. pic.twitter.com/tR7OP1YvxX
— Conflicts Zone (@Conflictszone) April 24, 2017
وزارت داخلہ نے بھی دھماکے کی تصدیق کردی ہے۔
ترجمان وزارت داخلہ نجیب دانش نے میڈیا کو بتایا کہ دھماکہ مقامی وقت کے مطابق تقریباً ایک بجے کے قریب سنا گیا۔
انہوں نے اس بات کی بھی تصدیق کی کہ دھماکہ خودکش کار بم کے ذریعے کیا گیا ہے۔
Interior Ministry confirms car bombing in eastern province of #Khost as U.S. defense chief visits #Kabul
— 1TVNewsAF (@1TVNewsAF) April 24, 2017
تاحال کسی جانی نقصان کی اطلاع نہیں ملی۔ ریسکیو ٹیمیں جائے وقوع پر امدادی کاموں میں مصروف ہیں۔
ابھی تک کسی شدت پسند گروہ نے دھماکے کی ذمہ داری قبول نہیں کی۔
#FLASH: a car loaded with explosive materials detonated in #Khost provnce of #Afghanistan
No casualties reported yet.— Zakarya Hassani (@ZHassani7) April 24, 2017
یاد رہے کہ گزشتہ ہفتے ہی جمعہ کے روز افغانستان کے شمالی صوبے بلخ میں افغان فوج کے بیس پر طالبان نے حملہ کردیا تھا جس میں 140 فوجی ہلاک جبکہ متعدد زخمی ہوگئے تھے۔
مزید پڑھیں: افغانستان میں فوجی ہیڈ کوارٹر پر حملہ، 140 فوجی ہلاک
فوجی ترجمان کے مطابق طالبان جنگجو فوجی وردی پہن کر اڈے میں داخل ہوئے اور پھر انہوں نے حملہ کر دیا۔
واقعے کے بعد افغان آرمی چیف جنرل قدم شاہ شاہم اور وزیر دفاع عبداللہ خان حبیبی اپنے عہدوں سے مستعفی ہوگئے۔
