The news is by your side.

Advertisement

جامعہ کراچی میں وین میں دھماکا، 3 چینی باشندوں سمیت 5 افراد ہلاک

کراچی: جامعہ کراچی میں وین میں دھماکے میں 3 چینی باشندوں سمیت 5 افراد ہلاک ہو گئے۔

تفصیلات کے مطابق جامعہ کراچی میں کنفیوشس انسٹی ٹیوٹ کے قریب وین میں دھماکے سے تین چینی باشندوں سمیت پانچ افراد ہلاک ہو گئے، ترجمان جامعہ کراچی کا کہنا ہے کہ دھماکے میں ہلاک ہونے والوں میں 2 چینی اساتذہ شامل ہیں۔

ڈی آئی جی ایسٹ کا کہنا ہے کہ دھماکا تخریب کاری کا نتیجہ ہے، دھماکا آئی ای ڈی کا تھا، 3 سے 4 کلو بارودی مواد استعمال کیا گیا۔

پولیس حکام کے مطابق دھماکے میں چینی اساتذہ کی گاڑی کو نشانہ بنایا گیا، ایڈیشنل آئی جی کراچی نے بتایا کہ دھماکے میں 3 چینی باشندے ہلاک ہوئے ہیں، تینوں لاشیں اسپتال پہنچنے پر شناخت کی جا سکتی ہیں۔

ایڈیشنل آئی جی کے مطابق دھماکے پر بم ڈسپوزل اسکواڈ اپنی رپورٹ تیار کر رہی ہے۔

وفاقی وزیر اطلاعات مریم اورنگزیب نے کہا ہے کہ وزیر اعظم نے بھی واقعے کی تفصیلات طلب کر لی ہیں۔ بیرسٹر مرتضیٰ وہاب کے مطابق دھماکا چینی لینگویج انسٹیٹیوٹ کی وین میں ہوا، قانون نافذ کرنے والے اداروں کے اہل کار مزید تفتیش کر رہے ہیں۔

Comments

یہ بھی پڑھیں