site
stats
صحت

دماغی کمزوری دور کرنے کا آسان ہربل نسخہ

دماغی صحت کے بغیر ایک مکمل صحت مند زندگی کا تصور ممکن ہی نہیں کیونکہ دماغ انسانی جسم میں ’’کنٹرول روم‘‘ کی حیثیت رکھتا ہے، اگر دماغ کی کارکردگی درست نہیں تو کسی بھی شخص کے معمولاتِ زندگی بری طرح متاثر ہوتے ہیں۔

دماغ انسانی جسم کا وہ حصہ ہے جو پورے جسم کو کنٹرول کرتا ہے اسی وجہ سے دماغی بیماریاں شخصیت پر بری طرح سے اثر انداز ہوتی ہے، مہنگے علاج کے علاوہ اس بیماری سے نجات کے لیے مختلف گھریلو ٹوٹکے بھی آزمائے جاتے ہیں۔

week-brain-3

دماغ کمزور ہونے کا شکوہ اکثر لوگ کرتے دکھائے دیتے ہیں، یہ ایسی بیماری ہے جس کے علاج کے لیے لوگ مہنگی ادویات تک استعمال کرنے کو تیار ہوتے ہیں۔

طریقہ علاج

اے آر وائی کیو ٹی وی پر نشر ہونے والے پروگرام ’’حکمت اور صحت‘‘ میں اس معاملے پر گفتگو کرتے ہوئے حکیم صاحب نے بیماری کا آسان علاج بتایا، انہوں نے بتایا کہ 10 گرام کاسنی کے بیچ اور 50 گرام کلونجی کو ملا کر پیس لیا جائے۔

week-brain-2

week-brain-1

دونوں اجزاء کو پیسنے کے بعد ایک پاؤ یعنی 250 گرام شہد میں ملا کر معجون تیار کریں اور باقاعدگی کے ساتھ استعمال کریں۔ ایک ماہ استعمال کے بعد دماغی قوت اور طاقت میں واضح فرق نظر آئے گا۔

حکیم صاحب کے مطابق یہ نسخہ نسیان (بھولنے کا مرض) کے مریضوں کے لیے مفید ہے، جن افراد کو یہ مرض لاحق ہے اس میں کمی واقع ہوگی اور جو اس مرض میں مبتلا ہونے والے ہوں گے انہیں اس مرض کا شکار ہونے سے قبل ہی دماغی قوت مدافعت ملے گی۔

یہ عام اور سادہ سا نسخہ ہے جو کہ بالخصوص بوڑھے افراد کے لیے بہترین ہے کیوں کہ ادھیڑ عمری کے بعد جسم کے ساتھ ساتھ دماغ بھی کمزوری کا شکار ہونے لگتا ہے یا ایسے طالب علم جنہیں اپنا نصاب یاد کرنے میں مشکلات کا سامنا ہو۔

نوٹ: تمام اشیاء گرم ہیں لہذا معجون چھوٹے چمچے کا ایک چوتھائی حصہ بطور دوا دن میں ایک بار استعمال کریں۔

ویڈیو دیکھیں

اسی سے متعلق: دماغی کارکردگی میں اضافہ کے لیے یہ ورزشیں کریں

مزید پڑھیں: مصوری کے ذریعے ذہنی کیفیات میں تبدیلی لائیں

 مزید پڑھیں: ذہین بنانے والے 6 مشغلے

مزید پڑھیں: دو زبانیں بولنے والوں کا دماغ زیادہ فعال

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top