آج افطار میں روایتی پکوڑے اور سموسے بنانے کے بجائے کچھ ایسا بنائیے جو ذائقہ دار بھی ہو اور بنانے میں آسان بھی ہو۔
:بریڈ رول بنانے کی ترکیب
:اجزا
بریڈ سلائس: 5 سے 6 عدد
آلو: ابلے اور کچلے ہوئے، 2 عدد
نمک: حسب ذائقہ
کالی مرچ: حسب ذائقہ
کٹا ہرا دھنیہ: 1 کھانے کا چمچ
کٹی ہری مرچ: 2 عدد
:ترکیب
بریڈ سلائس کو 5 منٹ کے لیے پانی میں بھگو دیں۔
اب ایک ہاتھ پر سلائس رکھیں اور دوسرا ہاتھ اوپر رکھ کر پانی نچوڑ لیں اور فلیٹ کرلیں۔
سلائسز کے علاوہ تمام اجزا کو اچھی طرح مکس کرلیں۔
چمچ کی مدد سے بریڈ سلائس پر پھیلا لیں اور رول کی شکل دے لیں۔
تھوڑی دیر کے لیے فریج میں رکھ دیں۔
تیل گرم کریں اور سنہرے ہونے تک تل لیں۔
مزیدار بریڈ رول تیار ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں