The news is by your side.

Advertisement

لاہور ریلی: مریم نواز سمیت لیگی قیادت پر مقدمات درج

لاہور: کرونا ایس او پیز کی خلاف ورزی اور اشتعال انگیز تقاریر کرنے پر لیگی نائب صدر مریم نواز سمیت لیگی رہنماؤں پر پانچ مقدمات درج کرلئے گئے ہیں۔

تفصیلات کے مطابق مقدمات مزنگ، لوہاری گیٹ،گوالمنڈی، تھانہ اچھرہ اور رائے ونڈ میں درج کئے گئے ہیں، مزنگ تھانے میں درج مقدمے میں مریم نواز سمیت دو سے زائد لیگی کارکنان کو نامزد کیا گیا ہے، مقدمےمیں ایس اوپیز کی خلاف ورزی، روڈبلاک، اشتعال انگیز تقاریر کی دفعات شامل کیں گئیں ہیں، مزنگ پولیس نے مقدمہ پٹواری شاہ نواز کی درخواست پر درج کیا ہے۔

گوالمنڈی تھانے میں بھی مریم نواز کی گزشتہ روز ریلی کے خلاف دو مقدمات درج کئے گئے ہیں، پولیس نے مقدمہ پٹواری ظفر عباس کی مدعیت میں درج کیا، ایف آئی آر لیگی رہنما فیصل، چوہدری ارشد، عامرخان، عرفان بٹ سمیت سو سے زائد نا معلوم لیگی کارکنان کے خلاف درج کی گئی ہے، مقدمے میں اشتعال انگیز تقاریر،ساؤنڈ سسٹم ایکٹ کی خلاف ورزی کی دفعات شامل کیں گئیں ہیں۔تھانہ اچھرہ میں درج کئے گئے مقدمے میں چھ نامزد جبکہ ساٹھ سے زائد نامعلوم افراد کے خلاف مقدمہ درج کیا گیا ہے، مقدمے میں کرونا ایس اوپیز،ساؤنڈ سسٹم ایکٹ کی خلاف ورزی کی دفعات شامل کیں گئیں ہیں۔

تھانہ لوہاری گیٹ میں دائر مقدمے میں لیگی رہنما کامران کاشف گجر، محمد طارق اور محمدجاویدکونامزد کیا گیا ہے، اس کے علاوہ مقدمے میں ساؤنڈ سسٹم فراہم کرنےوالے عبدالرحمان کو بھی نامزدکیا گیا ہے، تمام افراد کے خلاف دائر مقدمے میں کرونا ایس اوپیز کی خلاف ورزی، اشتعال انگیز تقاریر کی دفعات شامل کیں گئیں ہیں، مقدمہ پٹواری ملک مبشر کی درخواست پر درج کیا گیا۔

یہ بھی پڑھیں:  استعفوں کے لیے باضابطہ نہیں کہا لیکن گھر پر انبار لگ گیا ہے: مریم نواز

رائے ونڈ تھانے میں بھی نون لیگ کی گذشتہ ریلی کے خلاف مقدمہ درج کرایا گیا ہے، مقدمہ مقامی پٹواری کی مدعیت میں درج کیاگیا، جس میں دو سو سے زائد نامعلوم لیگی کارکنان کو نامزد کیا گیا ہے۔

Comments

یہ بھی پڑھیں