کراچی : مویشی منڈی میں سبی کے بیل نے میلہ لوٹ لیا، سات فٹ اونچا اور پچیس من وزنی بیل کی قیمت مالک نے 35 لاکھ روپے مقرر کی ہے۔
تفصیلات کے مطابق کراچی کی مویشی منڈی میں ملک کے مختلف حصوں سے یوں تو بہت سے جانور لائے گئے ہیں لیکن سبی کے بادشاہ کی بات ہی نرالی ہے جو سات فٹ اونچا اور پچیس من وزنی ہے۔
اس کے مالک کا کہنا ہے کہ یہ بیل دودھ دھی اورگھی پر پالا گیا ہے اور اس کی قیمت صرف35لاکھ روپے ہے، لمبے تڑنگے اور خوبصورت جانور کو جس نے دیکھا اور دیکھتا ہی رہ گیا۔
چال میں اکڑ سے لگتا ہے کہ بادشاہ خود کو سچ مچ بادشاہ سلامت سمجھتا ہے، سات فٹ اونچے پچیس من بھاری بادشاہ کو وہی لے کرجائے گا جس کی جیب بھی بھاری ہوگی۔
عید الاضحیٰ کی آمد سے قبل کراچی کی مویشی منڈی میں ابھی اور بھی کئی بادشاہ اورملکائیں آئیں گی کیونکہ ابھی توپارٹی شروع ہوئی ہے۔
Comments
- Advertisement -
