لاہور: قومی کرکٹ ٹیم کے کھلاڑیوں کے سینٹرل کنٹریکٹ کے معاملے پر تاحال کوئی پیش رفت نہیں ہوسکی، کرکٹرز کی مدت کا آج آخری دن ہے۔
اس حوالے سے ذرائع کا کہنا ہے کہ پی سی بی میں غیر یقینی صورتحال کے باعث قومی کرکٹرز کے سینٹرل کنٹریکٹ تاحال تاخیر کا شکار ہیں، قومی کرکٹرز کے سینٹرل کنٹریکٹ کی مدت آج ختم ہوگئی ہے۔
ذرائع کے مطابق پی سی بی نے قومی کرکٹرز کو نئے سینٹرل کنٹریکٹ پیش نہیں کیے، پی سی بی میں مستقل چیئرمین نہ ہونے سے سینٹرل کنٹریکٹ پیش نہ کیے جاسکے۔
- Advertisement -
پاکستان کرکٹ بورڈ (پی سی بی) کے معاملات قائم مقام چیئرمین اور الیکشن کمشنر چلارہے ہیں جبکہ پی سی بی مینجمنٹ کمیٹی کی مدت گزشتہ ہفتہ ختم ہوچکی ہے۔
ذرائع کا مزید کہنا ہے کہ پاکستان کرکٹ بورڈ کے چیئرمین کا انتخاب 27جون کو شیڈول تھا، عدالتی فیصلے کے باعث پی سی بی چیئرمین کا انتخاب روک دیا گیا ہے۔
