کراچی: شیرپاؤ کالونی میں تیز موٹر سائیکل چلانے پر فائرنگ کے واقعے میں ایک شہری قتل جبکہ 3 افراد زخمی ہوگئے۔
تفصیلات کے مطابق پولیس کا کہنا ہے کہ 2 گروپوں میں جھگڑا بچوں کے تیز موٹرسائیکل چلانے پر ہوا، اس تنازع پر دونوں گروپوں کے فریقین نے ایک دوسرے سے راضی نامہ بھی کرلیا تھا۔
پولیس نے بتایا کہ تیز رفتار موٹر سائیکل چلانے پر جھگڑے پر راضی نامہ کے کچھ دیر بعد ہی ایک فریق نے دوسرے کے گھر کے باہر فائرنگ کردی۔
- Advertisement -
فائرنگ کے واقعے میں ایک شخص جاں بحق ہوگیا جبکہ اس دوران وہاں سے گزرنے والے راہگیر سمیت 3 افراد زخمی بھی ہوئے۔
پولیس نے کہا کہ فائرنگ سے زخمی ہونے والے افراد کا کرمنل ریکارڈ موجود ہے۔ فائرنگ کرنے والے ملزم نثار کو اسلحے سمیت گرفتار کرلیا گیا ہے۔
