The news is by your side.

Advertisement

متحدہ پر لندن رابطے کا الزام لگانے والے ثبوت بھی پیش کریں، وزیراعلیٰ سندھ

سکھر : وزیر اعلیٰ سندھ سید مراد علی شاہ نے کہا ہے کہ ایم کیوایم پاکستان اور لندن میں روابط کی باتیں کرنے والے اس کے ثبوت پیش کریں، ایم کیوایم نے خود کوایک ماہ میں بدل کر رکھ دیا ہے۔

ان خیالات کا اظہار انہوں نے سکھر کے دورے کے موقع پر میڈیا سے گفتگو کرتے ہوئے کیا، وزیراعلیٰ سندھ کا کہنا تھا کہ ایم کیو ایم نے اپنے بانی کا نام نکال دیا۔ پارٹی آئین بدل دیا، سندھ اسمبلی میں مذمتی قرارداد پیش کردی۔ متحدہ قومی موومنٹ ایک ماہ میں بہت تبدیل ہوگئی ہے۔

سید مراد علی شاہ نے کہا کہ ایم کیوایم پاکستان اور لندن میں رابطے کی بات کرنے والے ثبوت کے ساتھ الزام لگائیں، مراد علی شاہ نے بتایا کہ بائیس اگست کی دوپہر تک معاملات درست سمت میں جارہے تھے، اچانک اطلاع ملی بھوک ہڑتالی شرکاء سی ایم ہاؤس پر حملہ کرنا چاہتے ہیں۔

وزیراعلیٰ سندھ نے کہا کہ میئر کراچی وسیم اختر قابل عزت ہیں لیکن ان کو اپنی رہائی کیلئے قانونی تقاضے پورے کرنا ہوں گے، دورہ سکھر میں وزیراعلیٰ سندھ نے دعویٰ کیا کہ ایسا نظام بنا کر جائیں گے کہ آنے والوں کو کام کرنا ہوگا۔

مراد علی شاہ نے کہا کہ پیپلز پارٹی کا ایک عام سا ورکر ہونے پر فخر ہے۔ قیادت نے مجھ پر بہت بڑی ذمہ داری ڈالی ہے اور اب بلاول اور آصف علی زرداری کی قیادت میں اچھا کام کرنا ہے۔ انہوں نے کہا کہ کوئی بھی افسر اپنے ڈسٹرکٹ کو چھوڑ کر باہر نہیں جائے گا۔

صحافیوں سے گفتگو سے قبل وزیراعلیٰ سید مراد علی شاہ نے سکھر میں ایس آئی یو ٹی سمیت شہر کے مختلف علاقوں کا دورہ کیا ۔ وزیراعلیٰ نے نامکمل منصوبوں کی جلد تکمیل کے لئے بھی احکامات جاری کئے۔

 

Print Friendly, PDF & Email

Comments

comments

یہ بھی پڑھیں