کراچی: مومو (حنا دلپذیر) کو سب سے زیادہ کون کرتا ہے پریشان، خوبصورت اور نبیل کے کردار قہقہے بکھیرنے کے لیے تیار ہیں۔
تفصیلات کے مطابق اے آر وائی ڈیجیٹل کا مقبول مزاحیہ ڈرامہ ‘بلبلے‘ ایک بار پھر آپ کی اسکرین پر جلد نشر ہورہا ہے، نبیل کے کندھوں پر بھاری ذمہ داری عائد ہوگئی ہے کیونکہ وہ اداکاری کے ساتھ ساتھ ہدایت کاری کے فرائض بھی انجام دے رہے ہیں۔
باخبر سویرا کے میزبان شفاعت علی اور مدیحہ نقوی مومو کے گھر پہنچے اور تینوں کرداروں سے گفتگو کی۔
مدیحہ نقوی نے کہا کہ ہم محمود صاحب کے گھر پہنچے اور پوچھا کہ محمود صاحب کو سب سے زیادہ کون پسند ہے، نبیل کو کون سب سے زیادہ تنگ کرتا ہے، مومو کو کن کن لوگوں سے مسئلہ ہے اور خوبصورت کب خوبصورت موڈ میں ہوتی ہیں۔
میزبانوں کے گھر میں داخل ہوتے ہی محمود صاحب ڈر گئے اور چور چور چلانے لگے، جس پر انہوں نے مدیحہ نقوی کو کہا کہ آپ تو چور نہیں لگ رہی ہیں قسم سے۔
محمود صاحب نے مذاق میں کہا کہ دیکھیں میں شوٹنگ کے لیے آیا تھا تو ان لوگوں نے مجھے باہر نکال دیا اس لیے میں لان میں شوٹنگ کررہا ہوں۔
مومو کا کہنا تھا کہ مدیحہ نقوی کو کہنا تھا کہ تو سنا پُتر تو کیسا ہے، محمود صاحب نے کہا کہ ڈرامہ دو سال نہیں ہوا تو میں نبیل کے پاس گیا اور میں نے کہا کہ نبیل میری زندگی کے یہ دو سال مجھے واپس دے دو۔
نبیل اور مومو جس گھر میں رہائش پذیر اس کے مالک کا کہنا تھا کہ ’مجھے کاسٹ کو گھر میں دینے میں کوئی مسئلہ نہیں ہوا اس لیے کہ میری اہلیہ خود شوق سے یہ ڈرامہ دیکھتی ہیں۔
نبیل کا کہنا تھا کہ بہت سے لوگوں کو تو یہ معلوم ہی نہیں تھا کہ ڈرامہ دو سال کے لیے بند ہوگیا ہے چند لوگوں جب بتایا تو پھر وہ پوچھتے تھے کہ نئی قسطیں کب سے شروع کی جائیں گی۔
خوبصورت (عفت عمر) کا کہنا تھا کہ کچھ ایسا حادثہ بھی ہوا تو ہم سب کچھ چھوڑ چھاڑ کر ڈرامے کی شوٹنگ کے لیے پہنچے تھے۔
ڈرامے کے ہدایت کار نبیل قریشی کا کہنا تھا کہ جب تک مداح بلبلے کو پسند کرتے ہیں ڈرامہ چلتا رہے گا۔
