کراچی: روئی کی قیمتوں میں زبردست تیزی کا رجحان پیدا ہو گیا ہے۔
تفصیلات کے مطابق روئی کی قیمتیں ریکارڈ ایک ہزار 500 روپے فی من اضافے کے ساتھ 19 ہزار 500 روپے فی من تک پہنچ گئیں۔
چیئر مین کاٹن جنرز فورم کا بتانا ہے کہ مستقبل کی ادائیگی پر روئی کے سودے 20 ہزار روپے فی من تک پہنچ گئے۔
- Advertisement -
چیئر مین کاٹن جنرز فورم احسان الحق کے مطابق رواں سال کپاس کی ملکی پیداوار توقعات سے کم ہونے کے باعث روئی کی قیمتوں میں تیزی کا رجحان دیکھا جا رہا ہے۔
چیئر مین کاٹن جنرز فورم احسان الحق نے مزید کہا کہ بین الاقوامی منڈیوں میں تیزی کا رجحان اور سمندری راستے روئی کی ترسیل میں مسائل بھی تیزی کی وجوہات میں شامل ہیں۔