The news is by your side.

Advertisement

کرنسی اسمگلنگ کیس، ایان علی کو پاسپورٹ واپس مل گیا

راولپنڈی : عدالت نے ایان علی کی شخصی ضمانتوں کے کاغذات اورضمانتی مچلکے منظور کرکے ایان علی کو ان کاپاسپورٹ واپس کردیا۔

تفصیلات کے مطابق ایان علی نے راولپنڈی کی کسٹم عدالت میں شخصی ضمانتوں کے کاغذات اور دس دس لاکھ روپے کے ضمانتی مچلکے جمع کرائے جنہیں عدالت نے منظور کیا اور ایان علی کو ان کا پاسپورٹ واپس مل گیا، دس دس لاکھ روپے کے ضمانتی مچلکے غزالہ انور اور راجہ مدثر کی جانب سے جمع کرائے گئے.

تین روز قبل ڈیوٹی جج صابر سلطان نے ماڈل ایان علی کے مچلکے لینے سے انکار کردیا تھا اور کہا تھا کہ پاسپورٹ کی واپسی کا معاملہ حساس نوعیت کا ہے، جس کا فیصلہ ٹرائل کورٹ ہی کرے گی، ڈیوٹی جج نے ماڈل ایان علی کو کسٹم کورٹ سے رجوع کرنے کی ہدایت کرتے ہوئے کیس کی مزید سماعت 30 نومبر تک ملتوی کر دی تھی.

راولپنڈی کی کسٹم عدالت نے ماڈل ایان علی کی پاسپورٹ واپسی کی درخواست منظور کرتے ہوئے انہیں 10، 10 لاکھ روپے کے 2 مچلکے جمع کرانے کا حکم دیا تھا۔

واضح رہے کہ ایان علی کو رواں برس مارچ میں ساڑھے 5 لاکھ ڈالر دبئی اسمگلنگ کے الزام میں گرفتار کیا گیا تھا اور کسٹم حکام نے ماڈل کے پاسپورٹ بھی اپنے قبضے میں لے لئے تھے.

Print Friendly, PDF & Email

Comments

comments

یہ بھی پڑھیں