سمندری طوفان بپرجوائے کے پیش نظر پاک بحریہ کا ریسکیو آپریشن جاری ہے اور پاکستان نیوی میرینز کی ٹیمیں ساحلی علاقوں میں موجود ہیں۔
اے آر وائی نیوز کے مطابق سمندری طوفان بپرجوائے کے پیش نظر پاک بحریہ کا ریسکیو آپریشن جاری ہے اور پاکستان نیوی میرینز کی ٹیمیں ساحلی علاقوں سجاول، کیٹی بندر، شاہ بندر اور کھارو چھان میں موجود ہیں۔
پاکستان نیوی میرینز کی ٹیمیں چوہڑ جمالی اور جاتی کے گوٹھوں میں امدادی سرگرمیاں انجام دے رہی ہیں اور اب تک پاک بحریہ کی جانب سے17 ہزارسے زائد افراد کو محفوظ مقامات پر منتقل کیا جا چکا ہے۔
پاک بحریہ کا کہنا ہے کہ اس کی ریسکیو اور میڈیکل ٹیمیں ہنگامی صورتحال سے نمٹنے کیلیے ہمہ وقت تیار ہیں۔
واضح رہے کہ سمندری طوفان بپر جوائے کی آمد سے سندھ کی ساحلی پٹی بُری طرح متاثر ہے، لہریں آبادی میں داخل ہوچکی ہے کیٹی بندر، سجاول، بدین میں تیزبارش کا سلسلہ بھی وقفے وقفے سے جاری ہے۔
