کابل : افغان ترجمان ذبیح اللہ مجاہد نے دعویٰ کیا ہے کہ کابل میں پاکستانی سفارت خانے پر حملے میں ملوث داعش کے دہشت گرد مارے گئے۔
تفصیلات کے مطابق افغان عبوری حکومت کے ترجمان ذبیح اللہ مجاہد نے اپنے بیان میں کہا ہے کہ افغان فورسز نے کابل اور صوبے نمروز میں داعش کے مختلف ٹھکانوں پر کارروائی کی ، کارروائی میں 8 دہشت گردوں کو ہلاک اور سات کو گرفتار کیا گیا۔
ذبیح اللہ مجاہد کا کہنا تھا کہ کابل میں پاکستانی سفارتخانے پر حملے میں ملوث داعش کے دہشت گرد مارے گئے۔
- Advertisement -
ترجمان نے بتایا کہ افغان فورسز نے داعش کےخطرناک نیٹ ورک کیخلاف کارروائیاں کیں ، یہ دہشت گرد پاکستانی سفارت خانے اور کابل ہوٹل میں چینی باشندوں پر حملے میں ملوث تھے۔
یاد رہے دو دسمبر کو کابل میں پاکستانی سفارت خانے پر حملہ ہوا تھا جس میں سیکورٹی گارڈ زخمی ہو ا تھا۔
