اسلام آباد : دفاعی تجزیہ کاروں نے اداروں کیخلاف نفرت پھیلانے والے یوٹیوبر عادل راجہ کی گرفتاری کو خوش آئندہ قرار دے دیا۔
تفصیلات کے مطابق دفاعی تجزیہ کاروں نے یوٹیوبر عادل راجہ کی گرفتاری کو خوش آئندہ قرار دے دیا، بریگیڈیئرریٹائرڈ حارث نواز نے اے آر وائی نیوز سے گفتگو کرتے ہوئے کہا چند پیسوں کی خاطر ملک سےغداری کرنے والوں کو معافی نہیں ملنی چاہیے، سخت سزا دی جائے۔
بریگیڈیئر ریٹائرڈ وقارحسن نے کہا یوٹیوبرکی گرفتاری کے بعد ریٹائرڈ ملٹری ایکو چیمبر سے متعلق بھی اہم معلومات ملیں گی۔
یاد رہے پاکستانی اداروں کے خلاف نفرت پھیلانے والے یوٹیوبر عادل راجہ کو لندن میں گرفتار کرلیا گیا ہے ، عادل راجہ یوٹیوب پر پاکستانی اداروں کے خلاف ہرزہ سرائی کرتے، نفرت پھیلاتے اور لوگوں کو اکساتے تھے۔
عادل راجہ کے خلاف اسلام آباد کے تھانے رمنا میں دہشت گردی اور بغاوت کامقدمہ درج ہے۔
