کراچی: ڈپٹی ڈائریکٹر نیب عمران شیخ کو کرپشن کے الزام میں گرفتار کر لیا گیا۔
تفصیلات کے مطابق نیب کراچی اور اسلام آباد نے ایک کارروائی میں کرپشن کے الزام پر ڈپٹی ڈائریکٹر نیب عمران شیخ کو گرفتار کر لیا۔
عمران شیخ کو کرپشن میں ملوث ملزمان سے رشوت لینے کے جرم میں گرفتار کیا گیا ہے، نیب نے گرفتار افسر کو اسلام آباد منتقل کرنے کے لیے ایک روزہ راہداری ریمانڈ بھی حاصل کر لیا۔
- Advertisement -
نیب ذرائع کا کہنا ہے کہ گرفتار ڈپٹی ڈائریکٹر نیب عمران شیخ کو کل اسلام آباد منتقل کیا جائے گا۔ نیب افسر پر چیک کی صورت میں رشوت لینے کا الزام ہے، نیب ذرائع کا کہنا ہے کہ افسر کئی چیک کیش بھی کروا چکا ہے۔
