بھارت کے سابق کپتان مہندرا سنگھ دھونی کے بہت سارے مداح موجود ہیں مگر ایک طالب علم کو امتحان کے دوران ان سے محبت کا اظہار کرنا مہنگا پڑگیا۔
انٹرنیٹ کے اس دور میں چھوٹے سے چھوٹے واقعے کو چھپانا بھی مشکل ہے اور کرکٹ سے جڑا تو کوئی بھی واقعہ لوگوں کی توجہ حاصل کرلیتا ہے۔ بھارت میں طالب علم نے ایم ایس دھونی کی محبت میں پاگل پن کی انتہا کردی جس کی وجہ سے اسے اسکول انتظامیہ نے معطل کردیا۔
گجودھر نامی دہلی کا ایک طالب علم دھونی کا جنونی مداح تھا اس نے ایم ایس دھونی کے لیے اپنی پسندیدگی کا اظہار کچھ یوں کیا کہ پیپر چیک کرنے والے استاد بھی دنگ رہ گئے۔
اسکول کے طالب علم گجودھر نے غیر روایتی انداز اپناتے ہوئے ریاضی کے امتحان میں ہر سوال کے جواب میں ’تھالا‘ لکھا۔ دھونی ’تھالا‘ کی عرفیت سے مشہور اور ان کے مداح انھیں اسی نام سے بلاتے ہیں۔
طالب علم کی یہ حرکت اسکول انتظامیہ کو بالکل بھی پسند نہ آئی، اسکول انتظامیہ نے اس حرکت پر اسے معطل کر دیا ہے۔
واضح رہے کہ دھونی کو کیپٹن کول بھی کہا جاتا ہے، ان کی قیات میں بھارتی ٹیم نے 2007 ورلڈ ٹی ٹوئنٹی، 2010 اور 2016 ایشیا کپ، 2011 آئی سی سی ورلڈ کپ اور 2013 میں آئی سی سی چیمپیئنز ٹرافی جیتنے کا اعزاز حاصل کیا تھا۔
