کراچی : انٹربینک میں پاکستانی روپے کے مقابلے میں امریکی ڈالر کی قدر میں مسلسل کمی کے رجحان کا سلسلہ جاری ہے۔
تفصیلات کے مطابق انٹر بینک میں آج پھر روپے کی قدر میں اضافہ ہوا ہے جب کہ امریکی ڈالر کی قدر میں گزشتہ روز سے زیادہ گراوٹ دیکھی گئی ہے۔
کرنسی ڈیلرز کا کہنا ہے کہ کاروباری ہفتے کے تیسرے روز انٹربینک میں ڈالر کی قدر میں معمولی کمی سامنے آئی ہے۔
Interbank closing #ExchangeRate for today https://t.co/NWrbjVkR3B#SBPExchangeRate pic.twitter.com/NyVjQLfMyD
— SBP (@StateBank_Pak) December 13, 2023
اسٹیٹ بینک آف پاکستان کی سماجی رابطے کی ویب سائٹ ایکس پر جاری اعداد و شمار کے مطابق آج انٹربینک میں ڈالر17 پیسے سستا ہوا، کاروبار کے اختتام پر امریکی ڈالر کا بھاؤ 283 روپے 61 پیسے رہا۔
یاد رہے کہ گزشتہ روز بھی اسٹیٹ بینک کے مطابق انٹربینک میں ڈالر کی قدر می 12 پیسے کی کمی ہوئی تھی، جس کے بعد ڈالر 283 روپے 78 پیسے پر بند ہوا تھا۔ دوسری جانب اوپن مارکیٹ میں ڈالر کی قدر 284.50 روپے پر مستحکم رہی۔
