ڈالر کی قیمت میں ہونے والی بڑی کمی کچھ روز تک ہی قائم رہی، ایک بار پھر روپے کے مقابلے میں امریکی ڈالر کی قدر میں تیزی سے اضافہ ہونا شروع ہوگیا۔
اسٹیٹ بینک آف پاکستان کے ٹویٹر اکاؤنٹ پر جاری کردہ اعداد و شمار کے مطابق رواں ہفتے کے دوسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 37پیسے مہنگا ہوا۔
Interbank closing #ExchangeRate for todayhttps://t.co/AQSIQoQx99#SBPExchangeRate pic.twitter.com/enDfxpQlXB
— SBP (@StateBank_Pak) June 6, 2023
انٹربینک مارکیٹ میں ڈالر37پیسے مہنگا ہونے کے بعد 286.56روپے پر بند ہوا، فاریکس ڈیلرز کا کہنا ہے کہ بینکوں نے درآمد کنندگان کو ڈالر286.80روپے سے زائد میں فروخت کیا، اوپن مارکیٹ میں ڈالر5روپے سستا اور 303روپے پر بند ہوا۔
اسٹیٹ بینک آف پاکستان کے مطابق رواں ہفتے کے دوسرے کاروباری روز کے دوران روپے کی قدر میں 0.13 فیصد کی گراوٹ دیکھی گئی۔